بیلتھنگڈی15؍نومبر (ایس او نیوز) اوجیرے گاوں کے اوڈالا نامی مقام پر ایک زیر تعمیر عمارت سے نیچے گرنے سے نوجوان کی موت واقع ہوگئی ہے۔موصولہ رپورٹ کے مطابق نیلیا (20سال) نامی نوجوان تعمیراتی مزدور کے طور پر کام کیا کرتا تھا۔ ایک زیر تعمیر عمارت کی چھت سے سینٹرنگ کے تختے اتارتے وقت توازن کھوجانے سے نیلیا نیچے گر پڑا۔جس سے ا س کے سر میں شدید چوٹ آئی۔

حالانکہ زخمی نیلیا کو فوری طور پر علاج کے لئے اسپتال منتقل کیا گیا، مگر اس کی جان بچائی نہیں جاسکی۔پولیس نے موقع پر پہنچ کر معائنہ کیا اور کیس درج کرلیا ہے۔